Mostrando mensaje 24     < Anterior | Siguiente > Responder a este mensaje Asunto: [agadef] Convocatoria aberta coordinadora galega de xogos tradicionais Fecha: Domingo, 6 de Junio, 2004  00:59:43 (+0200) Autor: Paco Veiga <pacoveiga @.......es> Convocatoria aberta. Un grupo de persoas, representantes de diferentes entidades promotoras dos xogos e deportes tradicionais galegos (clubes, asociacións, empresas, persoas particulares...), debateron a pasada fin de semana en Ourense a pertinencia de chegar a articular unha coordenadora galega (ou federación de entidades) para conseguir ter presenza pública e poder actuar, entre outros, nos seguintes campos: 1. A constitución de Federacións deportivas en diferentes disciplinas tradicionais, como é o caso da chave. 2. A consecución de financiamento para o desenvolvemento das actividades de recuperación e difusión das prácticas lúdicas tradicionais galegas que veñen realizando cada unha das entidades. 3. O planeamento de actividades de formación e divulgación conxuntas, dirixidas fundamentalmente ás novas xeracións, dos xogos e deportes tradicionais. 4. O deseño de actividades de recuperación e divulgación desde os medios de comunicación públicos. 5. ... Todo isto baixo unha premisa elemental e innegociable: Cada entidade debe seguir realizando as súas actividades, sen inxerencia, como ata agora. Despois de chegar á conclusión de que, en efecto, a constitución dun organismo que englobe a todas aquelas persoas que en Galicia desenvolven iniciativas arredor dos xogos e deportes tradicionais é imprescindible, decidiuse REALIZAR UNHA CONVOCATORIA ABERTA A TODAS ESAS PERSOAS E ENTIDADES PARA O VINDEIRO SÁBADO, DÍA 26 DE XUÑO, ÁS 10 H. DA MAÑÁ (con previsión de remate cara mediodía) NO SALÓN DE ACTOS DA BIBLIOTECA MUNICIPAL DE MELIDE ( A CORUÑA) , NO CENTRO XEOGRÁFICO DE GALICIA, coa finalidade de debater a necesidade de constituír ese ente e, caso de estimarse pertinente a iniciativa, de sentar as bases para realizar a súa constitución efectiva. As entidades e persoas sumadas á iniciativa ata o momento son estas: Asociación Deportiva da Chave de Ourense Asociación Cultural de Amoeiro, promotora dos Encontros Galego-Portugueses de Xogos Tradicionais. O Palao, Centro de Interpretación de Xogos Populares, de Ourense CEIP A Capela, que posúe un importante museo de xogos tradicionais. Asociación de Amigos/as de Santa Comba de Órrea, da Terra de Miranda, que ten recuperado a modalidade de birlos ao canteiro nos últimos anos. Asociación Galega do Xogo Popular e Tradicional, centrada na investigación e na divulgación. IES Melide, cun plano de re-incorporación das prácticas lúdicas tradicionais á cadea de produción cultural. Lois Pardo Secundino García Xabier Manuel Cid Antón Cortizas Chema Rodríguez Anxo L. Eiríz Xan Méndez Xulio Pérez Manolo G. Seoane Paco Veiga ... Nun prazo de poucos días recibirás a documentación que se someterá a debate na reunión. No entanto, agradecémosche que difundas a iniciativa. Recibe un cordial saúdo. Paco Veiga pacoveiga@edu.xunta.es